Róbert R. Spanó, fyrrverandi forseti Mannréttindadómstóls Evrópu, prófessor við lagadeild Háskóla Íslands og gestaprófessor við lagadeild Oxford háskóla í Bretlandi, staðfestir niðurstöður LOGOS lögmannsþjónustu, varðandi málefni ÍL-sjóðs. Þetta kemur fram í álitsgerð Róberts sem íslenskir lífeyrissjóðir hafa fengið í hendur.

Fimmtudaginn 8. desember kl. 16:30 verður haldinn fulltrúaráðsfundur hjá Stapa og hafa fulltrúar fengið sendan hlekk á fundinn í tölvupósti ásamt leiðbeiningum varðandi innskráningu.

Fyrirhuguð lagasetning fjármálaráðherra um gjaldþrot eða sambærileg skuldaskil ÍL-sjóðs fer í bága við stjórnarskrá og mannréttindasáttmála Evrópu. Þetta er meðal þess sem efnislega kemur fram í lögfræðiáliti LOGOS sem unnið var fyrir íslenska lífeyrissjóði og kynnt var á fundi þeirra fyrr í dag.

Flestir lífeyrissjóðir landsins hafa, í ljósi mikilla hagsmuna sjóðfélaga, myndað sameiginlegan vettvang vegna þeirrar stöðu sem upp er komin vegna ÍL-sjóðs. Einhugur er um samstarf vegna greiningar á stöðunni, enda gríðarlegir hagsmunir í húfi fyrir sjóðfélaga.

Stjórn Stapa hefur boðað til rafræns fundar fulltrúaráðs, fimmtudaginn 8. desember nk. kl. 16:30

Á næstu dögum berast sjóðfélögum Stapa yfirlit með upplýsingum um iðgjaldahreyfingar frá útsendingu síðasta yfirlits. Yfirlitin eru nú þegar aðgengileg á sjóðfélagavef.

Fimmtudaginn 20. október sl. kynnti fjármálaráðherra niðurstöður skýrslu um stöðu ÍL-sjóðs og næstu skref sem fyrirhugað er að ráðast í. Í framhaldi af umræddum kynningarfundi fjármálaráðherra hefur virði bréfanna lækkað. Gera má ráð fyrir því að eignavísitala sjóðsins við næsta útreikning hennar beri merki þessarar ráðstöfunar og hafi þannig áhrif á réttindi sem úrskurðuð verða á grunni hennar. 

Fjárfestingarumhverfið hefur verið krefjandi síðustu mánuði. Það sem af er ári hefur ávöxtun Stapa verið mun lakari en þrjú árin þar á undan, sem gáfu sérstaklega góða ávöxtun. Í tilfelli lífeyrissjóða er rétt að skoða ávöxtun yfir lengra tímabil. Hvort sem horft er til 5, 10 eða 20 ára þá er ávöxtun Stapa yfir viðmiði.

Annað árið í röð er Ísland efst í alþjóðlegum samanburði lífeyriskerfa. Íslenska lífeyriskerfið fær A í einkunn og hlaut 84,7 stig af 100 mögulegum.

Launagreiðendur sem skráð hafa virk netföng á vef launagreiðenda hafa fengið orðsendingu í tölvupósti þess efnis að yfirlit vegna iðgjalda sem borist hafa sjóðnum frá 1. mars til 30. september 2022 eru nú aðgengileg á vefnum.