Sjálfstætt starfandi

Stapi lífeyrissjóður býður alla velkomna sem mega velja sér lífeyrissjóð.

Öllum launagreiðendum, sjálfstætt starfandi og öðrum, ber að skila iðgjöldum til lífeyrissjóðs. Vefur launagreiðenda hjálpar þér að standa skil og hafa yfirsýn yfir iðgjöldin.

Iðgjöld

Reiknivél á launagreiðandavef sundurliðar 15,5% iðgjald:

4% framlag launþega
11,5% framlag launagreiðanda
Auk þess greiðast 0,1% í VIRK – starfsendurhæfingarsjóð.

Sjálfstæðir atvinnurekendur greiða bæði framlag launþega og launagreiðanda.

Val er um að greiða iðgjöldin með kröfu í netbanka eða millifæra inn á reikning sjóðsins.

Gjalddagi og eindagi

Samkvæmt lögum er iðgjaldagreiðslutímabil (launatímabil) ekki lengra en mánuður. Gjalddagi er tíundi dagur næsta mánaðar og eindagi er síðasti dagur sama mánaðar. Dæmi: Gjalddagi launa fyrir júní er 10. júlí og eindagi síðasti dagur júlímánaðar.

Ef iðgjöld eru ekki greidd fyrir eindaga reiknast á þau vanskilavextir frá gjalddaga til greiðsludags.