Þekkir þú lífeyrisréttindi þín?

Á sjóðfélagavef Stapa er einfalt að fylgjast með þróun lífeyrisréttinda, áætla framtíðarlífeyri og nálgast upplýsingar um heildarréttindi.

Þú skráir þig inn á vefinn með rafrænum skilríkjum og færð þar upplýsingar um:

• Áunnin lífeyrisréttindi
• Áætlaðan framtíðarlífeyri með því að nota reiknivélina
• Inneign og ávöxtun séreignar og tilgreindrar séreignar
• Iðgjaldayfirlit sem sýnir greiðslur sem berast til sjóðsins frá launagreiðanda
• Lánsrétt vegna íbúðalána
• Stöðu lána, vexti, afborganir o.fl.

Lífeyrisgáttin

Flestir eiga réttindi í fleiri en einum lífeyrissjóði. Hægt er að nálgast upplýsingar um heildarréttindi í öllum samtryggingarsjóðum í Lífeyrisgáttinni.

• Þegar þú hefur skráð þig inn á sjóðfélagavefinn velur þú Lífeyrisgátt í valmyndinni.
• Næst samþykkir þú að upplýsingar verði sóttar úr öðrum lífeyrissjóðum og getur þá sótt yfirlitið.

Stapi hvetur sjóðfélaga til að fylgjast með réttindum sínum og hafa samband við starfsfólk sjóðsins ef eitthvað er óljóst.